Mipi Kilhimtu In Suamhmang An Kai Ih An Thil Lakmi Pawl Cu A Neitu Hnenah An Pe Kirsal

Mandalay ramsung ah suamhmang pahnih in nunau pakhat an suam ih a phone le a sumpai bag an laksak. Kiangkap um mipi kilhimtu Ranger of Mandalay in an theih veten an va dum hngal ih an kai ngah, cutin an thil lakmi pawl cu a neitu hnenah an pe kirsal thluh.

November 26, 2021 zinglam nazi 11:00 hrawngah Mandalay hmun pakhat ah bike mawng lai nunau pakhat cu suamhmang pahnih in an kaitang.

A phone le a sumpai bag an laksak ih an tlan, an kiang naivai ih um Ranger of Mandalay in an theih veten an dum cih ih an kai ngah lohli. An thil lakmi khal aneitu hnenah an pe kirsal thluh.

Suamhmang pahnih cu Mingalar veng le Apianlan veng sungih um kum 20 mi le kum 25 mi an si, mipi kilhimtu pawlin suamhmang pahnih cu an zuk ih an hmatpungtin khal an hminsin sak, neta ah hivek thil an tuahsal asilen hrem nazet an pek ding thu ralrinnak an pe ih an suahsal.

Be the first to comment

Leave a Reply

Your email address will not be published.


*