Miss Ruth Par Tin Dim “Miss Teen Tourism 2021” Zuam Dingin Philippines Ramah A Feh Ding

Miss NewFace International 2020 Winner ngahtu Miss Ruth Par Tin Dim cu ‘Miss Teen Tourism 2021’ zuamawknak ih tel dingin Philippines khawpi Manila ah a feh ding. Miss Teen Tourism 2021 zuamawknak cu July thla sungah an nei ding.

Miss Ruth Par Tin Dim ih zuamawknak hmin cu Angelina Ruth a si. NewFace timi Model Agency ih tuahmi Miss zuamawknak ah winner cotu a si ih tu’ah Myanmar rampi aiawh in Philippines feh dingin ṭim a tuahaw rero lai.

Miss Ruth Par Tin Dim in “Nehnak thawn Philippines ram ihsin ka ra tlung ding ti ruahsannak ka nei. A san cu kan ram buai laiah harsa zetin kan zuamnak cu Pathian in a thei ih nehnak in pe ding ti ka zum.

Cun, Chin G-Z pawl upatnak ka lo pe, nunnak hlantu pawl ka lo upat tuk, miphun le ram hrangih nunnak nan thapmi ka hmuh tikah ka lo upat tuk. Nehnak kan co hlanlo hmainor sin uh, kei khal a hlan hnakin mipi in thazang in pe ih in dinpi dingin ka lo sawm” a ti.

Angelina Ruth hi 2020 June thla ah Modeling lam training arak kai, City puai fate deuh zuamawknak ah a tel ih Second Runner-up arak ngah zo. Miss Angelina Ruth cu Hakha khuami Pu Thla Ceu le Thantlang Peng Tluangram khuami Pi Sui Dawi (Doi) tei fanu a si, an fate 5 lakah 3-nak a si ih Hakha ah an khuasa. (The Hakha Times)

Be the first to comment

Leave a Reply

Your email address will not be published.


*