Miss Thuzar Wint Lwin In Thantlang Raltlan Pawl Hrangah Ks.500,000 A Hlu

Kum 23 mi Miss Thuzar Wint Lwin in Thantlang raltlan pawl hrangah Ks.500,000 zat a hlu thu theih a si. Thantlang Placement Affairs Committee (TPAC) hnenah a hlan ih TPAC khalin an ngah zo thu le lungawithu simnak an nei.

TPAC in ramsung ramleng ih bawmnak in Thantlang raltlan ṭhenkhat (nauhak le naupai pawl) hnenah Ks.Ks.30,000 ciar le fangfai pawl bawmnak an rak pe zo.

Miss Thuzar Wint Lwin cu Laithuam hruh in avei 69-nak Miss Universe zuamawknak ah a tel ih Thuamthil Mawibik laksawng a ngah. An zuamawknak ah “Pray For Myanmar” timi capi a keng.

Tualsung media pawlin hmaiton thusutnak an nei ih “Nitinten ralkap pawlin kan mipi pawl an kap that ringring” tin Myanmar ralkap ih sualnak pawl a relsuak.

United States ramsung aum laiah Myanmar ralkap pawlin kaih theinak warrant an suah veten Indiana ih um Burmese American community pawl ih bawmnak zarah humhimnak a ngah. British modeling agency ah hnaṭuan dingin an sawm ih August 2021 ah London ah umhmun khuar dingin ava feh.

Be the first to comment

Leave a Reply

Your email address will not be published.


*