Misual In Chinmi Bible Tlawng Zirhtu Ih Phone Le Bike An Lonsak >>>

Yangon, Hmawbi khua ih um Bible tlawng zirhtu Chinpa ih phone le bike an lonsak, July 5 simlam nazi 3:00 hrawngah an lonsak ih amah cu a tlansuak man.

Media hnenah hitin a sim thei, “Hnaṭuannak ihsin ka tlung ih lamzin ah minung an um tuk lo. Cutawk ah minung 4 in bike 2 thawn lamzin an rak kham ih ‘Khuitawk ah na feh tum?’ tin in sut.

‘Inn ah ka tlung ding” ka ti. ‘Phone in pe’ tin phone in lonsak. ‘Bike khal in pe aw’ in tiih nam an phorh, bike cu ka tang ih ka tlansuak. Ziang asikhallen thilri pawl an la nan ka vanṭha si ko, zianghman tuahmawh ka tong lo ih ka vanṭha” a ti.

Vengsung mipi pawl hnenah bawmnak ava dil ih an va fehsal nan an rak tlanhlo man. Suamhmang tongtu cu Chin State, Matupu khuami a si ih Hmawbi Bible tlawng pakhat ah zirhtu a si, rawngbawltu khal a si. Hngahṭah pawl kilkhawitu a si. Innsang nei a si ih fa pakhat a nei.

Be the first to comment

Leave a Reply

Your email address will not be published.


*