Mithi An Tam Tuk, Yangon Mithi Urnak Ah An Tlar Aw

Myanmar ramsung ah Covid-19 thlisia a veithumnak a hrang ciamco, Myanmar ramsung hmuntinkim ah damlo le mithi an tam zet.

Yangon khawpi ahcun mithi an tamtuk ruangah mithi urnak hmun ah mithi urkang dingin an tlar aw, ṭhenkhat cu motor sung ihsin an rak hngak.

Nidang ahcun mithi phur motor 1/2 hrawng lawng an um ṭheu nan tulai cu mithi urkang dingin an tlar aw ih an hngakawk a ṭul thlang. Sakhua dang mithi pawl cu urkang loin thlanmual lamah an rak vuiliam.

Oxygen haidaih awklonak ruangah mithi an tam cuang. Mithi urnak ih ṭuanvo neitu in “Mithi ur dingin an hngakawk, tlaraw lai hi ka hmu dah lo” a ti. Yangon ah mithi urnak hmunpi pathum aum, cupawl cu Kyisu Cemetery, Htein Pin Cemetery le Yewe Cemetery pawl a si.

Be the first to comment

Leave a Reply

Your email address will not be published.


*