Mithi An Vui Zik Ih Kuang Sungah A Au Ciamco

South America, Peru khua ih thilthleng hi a ṭihnung um zet. Innsang nu Rosa Isabel cu motor cansualnak ruangah a thi tin siibawi pawlin an phuang.

April 26, 2022 sun ah motor cansualnak rapthlak zet an tong ih an makpa khal a hmun ah a thi cih, motor sungih um a tule pathum khal hliamhma nazet tuar in siizung ah an tuamhlawm rero lai. Rosa Isabel cu siibawi pawlin a thi zo an ti.

A innsang pawlin vuinak caanserh an hmang hnuah thlanmual ah phum dingin an feh. An sungkhat pawlin mithikuang cu an zawn’aw ih kuang sungah thawmvang an thei, kuang cu an ṭhum ih an on veten mithi cu a tho thutthi ih kiangkap um pawl a zoh ringring.

Thlanmual ṭuanvo neitu in, “A mit a meng ih a thlang thluh. Ka office sungah ka va tlanlut hngal ih palik pawl ka ko” a ti. An sungkhat pawlin kuang thawn Referential Hospital Ferrenafe siizung ah an va tlanpi sal, siibawi pawlin a cau tuk ti an theih ruangah oxygen an bun. Asinan, an tuamhlawm hnu nazi reilote ah a thisal.

A innsang pawlin siizung ṭuanvo neitu hnenah, “Ziangruangah a thi lo mi cu a thi nan ti” tin an sut. An zumdan cun motor cansualnak ruangah zianghman thei loin aum ih siibawi pawlin a thi zo ah an ruat si ding an ti. Tualsung palik pawlin siizung ih thilthleng cu an zingzoi rero lai.

Be the first to comment

Leave a Reply

Your email address will not be published.


*