Mithi Nunglai An Timi

Thailand, Moo khua ih um putar kum 65 mi Ong-art Boonyarit cu kum 12 sung mithi vekin a tlangleng. An ram mithi pawl ngankhumnak cazin sungah a hmin aum ringring. 2013 kum ah a ID Card renew dingin cozah zung ah ava feh ih hnaṭuantu in ‘Himi ID card neitu cu a thi zo’ arak tiih an tuahsak duh nawn lo.

November 6, 1997 kum ah Bangkok siizung pakhat ah mithi aum, mithi hmin le Ong-art ih hmin cu a bang aw ciahciah. Death certificate an tuahnak ah thil fehsual aum ih Ong-art ih ID card an rak hmang.

Mithi zo an ti ruangah ID card thar an tuahsak duh nawn lo ih harsatnak phunphun a tong, Thailand milesa sinak khal a nei nawn lo. Mibawmtu pawlkom hnen khalin bawmnak a ngah dah lo, kum upa pawl bawmnak khalah a tel dah lo ih nung si mithi vekin a tlangleng.

ID card nei lo cun khual a tlawng thei, cozah hnenah vei tampi thubuai a thehlut nan a hlawhtling thei lo. Zung hnaṭuan pawl cu an inn ah an va feh ih Ong-art Boonyarit ngai a si le si lo zingzoinak an tuah.

1997 kum ah death certificate latu cu siizung ih hnaṭuan Mr Narongchai a si ih ngaithiam a dil. Mr Narongchai in, “Ka hnaṭuan vekin mithi hmin ka pe, thinlung sualnak thawn ka tuah lo” a ti. Kum 12 hnu July 26, 2022 ah Ong-art ngai a si tin an nenhnget ih ID card thar an pe ih a lungawi tuk.

Be the first to comment

Leave a Reply

Your email address will not be published.


*