Mithi Ruak An Sar, Media Pawlin Kiangkap Ih Um Pakhat Cu Thusutnak An Nei, An Thusutmi Pa Cu Tualthattu Arak Si

US, Pennsylvania ramsung ih um tikuang ah mithi ruak an sar, zo a si ti an thei lo ih an zingzoi rero. News Watch 16 media pawlin tikuang kiangkap ih um pawl hnenah thusutnak an va nei ih thilthleng thuhla ah an ruahnak pawl an sut.

Lamzin ah mipa pakhat an tong ih a hmin cu Matthew Haverly a si, interview an tuahnak ah Matthew in, “Thilthleng thuhla ka theih veten ka lau tuk, mithi ruak thuhla cu zianghman ka thei lo. Mithi ruak cu mi fanu tla a si thei, minu tla a si men thei.

Hitawk hmun cu minung um malnak hmun a si ih khawpi lam ih um pawlin mithi ruak hi thuhhlo an tum ruangah an ra hlon a si men ding. Kan vengsung mipi pawl cu kan thin a phang zet” a ti. Thu an sut lai ahcun thilsual tuahtu a si ti zohman in an theilo.

Asinan palik pawlin an zingzoi vivo hnuah mithi ruak cu Matthew Haverly ih nu a si ti an theisuak. A nu kum 60 mi Patricia Haverly ih ruak a si ih a lu ah hliamhma aum.

Matthew cu tualsung palik pawlin an kai ih a nu a that laiah zianghman a theilo thu a sim thei, himi zan ah zu a ri tuk ruangah ziangthil a thleng ti ka thei lo a ti. Palik pawlin tualthattu a si ti an theihfiang hnuah kum 17 sung thawngtla dingin a thu an áš­hencat.

Be the first to comment

Leave a Reply

Your email address will not be published.


*