Mithi Ruak La Ralhrang Pawl Cu Bomb In An Rak Puah

December 13, 2021 ah Sagaing, Ywa Tharyar khua ah tualthatnak rapthlak zet a thleng ih khuasung mi 9 an thi. Cumi mithi ruak pawl la dingin palik pawl an va feh ih an tlung lamah bomb in an rak puah ruangah palik 2 cu a hmun ah an thi hngal, palik 5 khal hliamhma nasa zet an tuar ih siizung ah an tuamhlawm rero lai.

Tualsung mi pakhat in, “Simlam nazi 7:00 hrawngah palik pawlin mithi ruak an va la, an tlunglam Mhan Kyaing khua kiangah bomb in an rak puah ih a hmun ah palik 2 an thi. Palik 5 in hliamhma nazet an tuar” a ti.

Palik mithi pahnih cu Soe Kyaw Thu le Zin Ko Lin an si, hliamtuar palik 5 lakah taksa tan khal an um. Thuhla theitu in, “Ywa Tharyar khua ah tualthatnak rapthlak zet a thleng, inn 4 an urkang ih mipa 5 cu an kangthat. Mipa 4 cu meithal in an kap that, mithi ruak 9 cu palik pawlin an va thiar ih an tlung lamah bomb in an rak puah” a ti.

Be the first to comment

Leave a Reply

Your email address will not be published.


*