Mithi Thla

Beth Braden in a thilton cu online parah a tarlang. “Damlo pawl tuamhlawmtu nurse ka si. Kan vengsung ah Marion Duchene timi mipa nauhak aum ih a harhdamnak a ṭha lo ruangah a ṭong thitha thei lo, a ṭong a fiah lo. Ka hnaṭuannak siizung ah reipi an ra tuamhlawmaw ih ka rak buaipi ringring.

Amah hi a sang zet ih feet 7 hrawng a kim ding, kum 19 a kim tikah ralkap ah a lut, ralram Vietnam ram ah an feh ih nikhat cu ramlak ah a hlo. A rualpi pawlin ramlak ah an hawl rero nan a sulhnu khal hmuh ding um loin a hlo reprep.

Kum 10 hnuah zankhat cu ka hnaṭuannak siizung ah misang zet ara lut ih a hmuh hmaisabik mi nurse hnenah, “Ka hmin cu Marion Duchene a si, ka thi zo. Ka thihnak hi kum 10 a kim zo” tin ṭongkam fiah zetin a sim thei, zantlai hnuah zoso ra lut ih tin ka vun zoh cu ṭihnung um zetin in rak hninsan ih Marion ti ka theithiam hngal.

Riahsiat hmel zetin siizung ihsin a suaksal ih a dung thlun in ka va zoh ih ka hmu nawn lo, siizung lamzin ah pialnak ding aum lo nan zianghman a hlo thei ti cu ka thei lo. Nurse in a thusimmi cu in sim thei ih mak hi kan ti tuk, a hnaṭuanpi ralkap pawlin a hnipuan hruhmi pawl an ra sut ih a hloh lai ih a hruhmi hnipuan ciahciah a si an ti.

A nulepa hnenah kan va sim ih a nulepa in amah a si thei lo, a ruak um loin kan vuiliam zo. Marion cu a ṭong thitha thei lo ih amah a si zik lo, kan thinharnak pawl nan ra ti suaksal, in ra pehtlaih nawn hlah uh’ in rak ti. Tuini tiang ka thinum a nuam thei lo, Marion hi Vietnam ramlakah a thi ngai ih a ruak hmu loin a hloral teh a si ngai kem maw tin ka ruat ṭheu” tin a tarlang.

Be the first to comment

Leave a Reply

Your email address will not be published.


*