Mithi Vuinak Ah Awnmawi DJ An Play Ih An Lam Vutvo >>>

Mi tampi in an thih tikah zohman ṭap lo dingin an cah ṭheu, thih ni cu suah ni hnakin a ṭha sawn ti a si ih lungawi aipuang zet ih um dingin an cahaw ṭheu.

Kan dung zarh ah UK, Birmingham ah nunau pakhat a thi, a hmin cu Katty a si. A sungkhat, a rualpi pawlin Witton Cemetery thlanmual ah an va phum ih thlanmual ah awnmawi DJ an play dutdo.

Mipi cu kordum an hruh ih lungawi aipuang zetin an lam vutvo, an nuamaw zet. Online mipi ṭhenkhat in, “Nan thiltuahmi le nan thiltuahnak hmun hi a milaw lo tuk” an ti.

Asinan ṭhenkhat in an lawm zet ih, “Na rualnu Katty cu a hni siamsi ding. A lungawi tuk ding, nan thlahliam dan cu a ṭha tuk. Nuam zetin thlahawk ding kan si, midang thlanmual cu pal hlah uh” an ti.