Mithi Vuinak Ah Suamhmang In An Phone Le Sumpai Laksak

Yangon ih mithi vuinak Rewe le Kyusu Cemetery ah suamhmang, mibum hmang a cangvai ṭheu. Suamhmang cu mithi vuinak hmun ih hnaṭuantu vekin aum. Mithi vuinak hmun ih feh pawl cu bawm ding vekin aum ih an phone le sumpai a laksak. Mithi vuinak hmun ih hnaṭuantu vek, mithi innsang vekin a cangvai ciamco ih zohman in an theithiam lo.

Nunau pakhat in, “August 21 sun ah ka nute a thi ih mithi vuinak hmun ah kan va feh. Kor pawl hruh mipa pakhat in mi arak bawm ciamco, lamzin a khihhmuh ih a phunphun in a cangvai. Mithi vuinak hmun ih lut zaten arak bia ih a bawm. Sungkhat vek, hnaṭuantu vek, mithi vuinak hmun ih mibawmtu vekin a cangvai.

Ka nute ruak phum dingin kan ding tlar laiah naute ka pom phah ih vaidip ka pai. Na vaidip ka lo kengsak ding, asilolen sungkhat hnenah ka va pe ding in ti. Hnaṭuantu ih ka ruat ruangah ka rak pe, ka dung ihsin in thlun vivo ih leng ka suah zawn ah a tlanhlo thutthi. Vaidip sungah kan retkhawm mi phone 3 le sumpai 7 lakhs aum” a ti.

CCTV fehtlang in an zoh ih hnaṭuantu pawlin an hmeltheih a si lo thu an sim. Kumthok lam khalah hipa thotho in mithi vuinak hmun ah midang arak bum zo thu an thei ih mithi vuinak hmun ah fimkhur zet ih um dingin theihternak an suah.