Mizan Ah Hlasakthiam Hminthang Cu Thawnginn Ihsin An Suah Zalen Ih Tuisun Ah An Kaisal

Kum 30 mi Myanmar Rock hlasakthiam hminthang Ito (Hminngai: Ko Win Htut Thawdar) cu October 19, 2021 ah ralkap pawlin thawnginn ihsin an suah zalen. An innsang pawl khal an rak lungawi zet man ih rawlei khawmnak tla an nei.

Asinan, October 20 sun ah ralkap pawlin an inn ah an va kaisal ih Insein thawnginn ah an khum thu theih a si. An sungkhat in “Mizan ah an suah zalen, tuisun ah ralkap pawl an ra ih tlunlam upa pawlin an suah hrih lo tin Insein thawnginn ah an hruaisal” a ti.

Ralkap pawlin tlunlam an pule pawlin an suah hrih lo nan thawnginn kiltu pawlin an rak suah zalen tin an sim thei. Ito cu Myanmar ramsung ih hlasakthiam hminthang Zaw Win Htut ih fapa a si.

September thla ah ralkap pawlin ‘mino 4 cu TNLA hnenah raldodan zir dingin a thlah’ tin thubuai an orhter ih an kai. TNLA lamin thudiklo a si thu le Ito thawn pehtlaih awknak an neih lo thu pawl an phuang ve.

Be the first to comment

Leave a Reply

Your email address will not be published.


*