Mizan Ih An Kaihmi Kalaymyo Pacang Cu Tuizing Ah A Thi

Mizan May 24 ah Kalaymyo pacang pakhat an kai ih tuizing May 25 ah a thih thu theih a si. Kalaymyo, Myotha veng, Nang Kalin lilawn kiangih “စိတ်ထားမဏ္ဍိုင်’’ bike tuahnak dawr neitu Ko Min Min cu ralkap pawlin an kai.

Ralkap pawl cu mipi motor thawn an inn ah an va feh ih Ko Min Min cu dawr ah arak um, ralkap pawlin thusut ding aum tin an hruai. Vengsung ralkap sakhan ah an hruai lo ih DAKSA (Regional Command Headquarters) lamah an hruai.

Tuizing ah a nupi in hmuk le hnipuan pe dingin ava feh, a pasal cu a tong ngah lo ih gate kiltu ralkap hnenah a pe.

Cumi hnu nazi 1 ah a nupi cu an phone ih a thi zo ti an sim, Ko Min Min ih ruang cu Kalaymyo ralkap siizung ah an ret lawk ih a innsang pawlin an la zo. A taksa dunglam ah an vuakvelnak hliamhma aum ti a si.

Be the first to comment

Leave a Reply

Your email address will not be published.


*