Mizan Kalaymyo Meithal, Bomb Puak Awn Ruangah Chinmi Lungphu Cawl In A Thi

Mizan July 3 zanah Kalaymyo ah meithal le bomb puak awn theih a si. Zan nazi 9:00 hrawng ihsin ralkap in meithal le bomb an kap ciamco ruangah kum 69 mi Pa Gin Do Lian in a ṭih tuk ih lungphu cawl in a thih phah.

Pa Gin Do Lian ih ruak cu tuisun July 4 zanlam nazi 3:00 ah an vuiliam ding. Tualsung mi pakhat in “Mizan nazi 9:00 hrawng ihsin Kalaymyo ah meithal awn le bomb puak awn pawl theih a si.

Nazi 2 sung hrawng arei, ralkap in an kap ciamco. Ziang pawlkom thawn an kapaw ti khal kan thei lo, ralkap in catbang loin an kap si ding ti kan zum” a ti.

Covid-19 in Kalaymyo ramsung a nuai ciamco ih mithi le damlo an tam zet, boruak a dai thei hrih lo. Thuneihnak latu ralkap pawlin mipi an hrem ih an kai, an kap ṭheu. Cuvek boruak ruangah Kalaymyo mipi pawl cu ei le in le thil dangdang ah harsatnak an tong.

Be the first to comment

Leave a Reply

Your email address will not be published.


*