Mizoram Ah Arakan Liberation Army 5 An Kai

Mizoram-Myanmar ramri Lawngtlai peng sung, Kakichhuah khua ah Arakan Liberation Army (ALA) hriamkai minung 5 an kai.

Kakichhuah khuasung mipi pawl cu meithal thawn an hringhro ih sumpai an dil ti thuhla an theih veten Lawngtlai Police le 3rd Assam Rifle Battalion pawlin an va zingzoi hngal ih June 12 ah an 5 in an kai.

An kut sungah 9mm pistol (1) pakhat , 9mm revolver (1), 55 rounds cerek mu 55 le hand grenade 5 an kai. Arms Act leh Foreigners Act hmangin thubuai an orhter ih Lawngtlai district court ih an fehpi hnuah thawnginn ah an kuat.

An zaten Rakhine state, Maungdaw township sungih um an si. Arakan Liberation Army (ALA) cu hriamkai pawlkom tenau an si ih minung 200 hrawng lawng an um.

5th April 2012 ah Myanmar cozah thawn kahcawlhnak Nationwide Ceasefire Agreement (NCA) ah hmin an rak khen. Ziangruangah ralthuam kengin Mizoram lamlam ah an va cangvai ti cu theih a si lo.

Be the first to comment

Leave a Reply

Your email address will not be published.


*