Mizoram Ah CDM Tuah Palik ‘Salai Lal Biak Thang’ Ih Nunnak A Liam

Chin State, Falam pengsung, Myomah palik sakhan ihsin CDM tuah palik kum 28 mi Salai Lal Biak Thang cu a tlannak hmun Mizoram, Champhai ah a nunnak liam.

May 30 sun nazi 12:00 hrawngah an inn luahnak ah thicia in an hmu. A thihnak san cu a cipciar in theih a si hrih lo nan an innhnen pawlin tuizing ah a luak lai an hmuh thu a rualpi hnenah an sim thei.

Salai Lal Biak Thang cu ralhrang kuthnuai ah hnaṭuan duh loin March 4, 2021 ah CDM a tuah ih Mizoram ah a innsang pawl thawn an tlan.

A nupi le a fanu thla 6 mi a thihsan, a ruak cu thaisun May 31 ah an vuiliam ding. Tantami a innsang pawl Pathian in hnem hram seh.

Be the first to comment

Leave a Reply

Your email address will not be published.


*