Mizoram Ah Ritheihsii Phur Kawlram Mi An Kai, Manipur Ah Ramdang Mi Pawl Dawisuak Thluh Dingin An Ngen

Tuizarh sungah Mizoram ah ritheihsii le rukru thuhla ruangah Kawlram mi 5 an kai. July 11 zanṭim laiah kum 25 mi Gabriel Muana cu tualsung inn bauh a tum rero laiah Mizoram palik pawlin an kaih thu an phuang.

Gabriel Muana hi Chin raltlan a si ih Sihhmui raltlan camp ih um a si. July 12 sun ah Champhai district, Dungtlang check-point ah Kawlram mi pahnih cu ritheihsii phur ruangah an kai.

An kaihmi pahnih cu Falam pengsung ih um kum 22 mi U Hrang Kap Thang le kum 36 mi U Cung Lian Mang an si, Mizoram mi pahnih thawn an kai. July 14 sun ah Khawzawl check-point ah Tedim pengsung ih um kum 32 mi U Lal Ngai Chin cu ritheihsii thawn an kai.

July 15 sun ah Dungtlang ah Falam pengsung ihsin ra Pi Duh Lawng Thluai (kum 36) cu ritheihsii thawn an kai. Ralhrang in ramsung thuneihnak an lak hnuah ramsung ah daan le dun aum nawn lo ih ritheihsii tham khal an pung deuhdeuh.

Cutik laiah Manipur mipi pawlin an ramsung ih um ramdang mi pawl cu dawisuak thluh dingin India PM Modi hnenah ca an kuat ih duhphorhnak an tuah rero lai. Manipur miphun 19 pawlkom in ca an kuat ih an ramsung ah India milesa ngaingai pawl hrilsuahnak nei dingin an ngen.

An ramsung ih um ramdang mi pawl cu kai thluh in dawisuak dingin an ngen. Manipur ramsung ih um ramdang mi pawl cu Myanmar, Bangladeshi le Nepal… pawl an si.

Be the first to comment

Leave a Reply

Your email address will not be published.


*