Mizoram, Kolasib peng sungah ritheihthil phur Kawlram mi pahnih an kai.
August 22, 2022 sun ah Mizoram palik le ritheihthil dotu pawlkom in motor pakhat cu zingzoinak an rak tuah ih ritheihthil bing an kai ngah. India sumpai cun Rs.1340 lakhs man a si, Myanmar sumpai cun 40,000 lakhs lenglo man a si.
An kaihmi pahnih cu Chin State, Tedim peng, Bukphir khuami Lalthangliana (kum 44) le Khual Sawm Sang an si ih hremnak pe dingin Aizawl khawpi ah an phur.
August 19 khalah India-Myanmar ramri Manipur ramsung ah Kawlram mi pakhat hnenah meithal, ralthuam an kai. Zanṭim laiah tualsung palik le Assam Rifles pawlin an inn ah an va lutcilh ih pistols pahnih le cerek thawn an kai. An kaihmi cu hremnak pe dingin Imphal ah an phur.
Leave a Reply