August 4, 2022 ah Mizoram, Aizawl khawpi ah Chinmi ritheihthil phur an kai. Chin State, Tidem peng, Darkhai khuathar ih um Pa Khup Za Tung (kum 42) hnenah ritheihthil bing 428.04 grams an kai ngah.
An kaihmi ritheihthil hi India sumpai cun ting Rs. 214 man a si. Kulikawn palik sakhan ah thubuai tuahsak in an kai. Myanmar ramsung a buai hnuah Mizoram sungah ritheihthill phur an tam deuhdeuh.
Mizoram mipi le cozah in raltlan pawl a kilkhawi laiah caanṭha rak hmangin ritheihthill phurluttu an um ṭheu.
Mipi ralkap le Chin mipi hruaitu upa pawlin ritheihthil phurlut nawn lo dingin vei tampi ralrinnak ca an suah zo nan phurluttu an um lai thotho. Ritheihthil thuhla ah a neitu aiin an kuthnuai ih phurtu pawlin kaih an tong tam sawn.
Leave a Reply