Mizoram Ah Thilthleng Dah Lo A Thleng, Riahsiat Um Tuk!

Mizoram, Aizawl ih um tlangval Patric Lalenkawla le Saiha fala Naom Malsawmdawngzeli cu duhdawt aw zet an si ih a rei hlanah neiaw dingin thil ziangkim an tawlrel. Man le mual khal an peaw zo.

May 4, 2022 ah Patric Lalenkawla cu Sialsuk khua kiangah motor accident a tong, motor sungih to nu pakhat a thi. Patric Lalenkawla khal hliamhma nasa zet tuar in Aizawl siizung ah an tuamhlawm. Patric Lalenkawla ih hliamhma cu a nasa tuk ruangah a taksa a cang thei nawn lo, siibawi pawlin an tuamhlawm rero hnuah an beidong, beisei ding aum nawn lo an ti.

Patric le Naomi cu an duhdawt aw tuk ruangah siizung sungah neiaw dingin an tawlrel, kaphnih innsang cu an bia’aw ih May 19, 2022 sun ah Civil Hospital, ICU room sungah Kawhhran daanthianghlim in kutsihnak an nei.

Asinan, Patric Lalenkawla ih hliamhma hi a nasa tuk ruangah an neihawk ihsin reilote May 25, 2022 simlam nazi 4:30 ah a duhdawt zet mi a nupi le a innsang pawl a fehsan (a thi). Siiung sungih hnaŠĻ≠uantu nurse pawl khal supaw thei loin an mitthli a fawr.

Naom Malsawmdawngzeli cu a duhdawt zet mi a pasal ih nu kiangah aum ih a pasal nu khalin amai fanu vekin a zoh. Patric ih nu in an mo Naomi a hmuh tikah mual liamzo a fapa Patric a ngai khal a ziaum. (#Mizo Official Channel)

Be the first to comment

Leave a Reply

Your email address will not be published.


*