Mizoram Ah Thing Pu Lai Pakhat Cu Thirphek In A Tlak That

Mizoram, Kolasib district, Hortoki Vengthar ih um Lalramthanga Zadeng (kum 44) cu January 17, 2022 ah Zodin (Rajdali) khua kiangah hnaṭuan in aum.

Thing ahmi a put laiah tlunlam ih hnaṭuan Railway Company hnaṭuantu pawlin thirphek tum le rit zet cu an ti tla pang ih Lalramthanga cu a nen hnuah a hmun ah a thi cih. Zinglam nazi 10:30 hrawngah thirphek tum le rit zet cu feet 60 ihsin a tla ih a hnuai ih hnaṭuan lai Lalramthanga ih lu ah a tlak ngah.

A ruak cu Kawnpui PHC ah zohdiknak an nei ih tuizing nazi 11:00 ah Hortoki Vengthar ah an vui ding. Ramthanga hi nulepa nei nawn lo a si, sungkhat naivai kiangah aum ih Rajdali ramlakah zanriak in thingat pu in hna a ṭuan ṭheu.

Be the first to comment

Leave a Reply

Your email address will not be published.


*