Mizoram Ah Unau Thatawknak A Thleng

June 24 zanlam nazi 3:00 hrawngah kum 38 mi Hminthanmawia cu hliamhma thawn hmuh a si, a u Tunsianmunga (kum 40) tei inn ah hliamhma nazet tuar in an hmu ih Hnahlan PHC an panpi laiah a hliamhma tuar loin a thi.

A lu ah hliamhma a tuar ruangah Champhai police in an va zingzoi hngal ih a u cu rinhlel thu in an kai. Thu an sutnak ah Tunsianmunga in a nau a that thu a phuangaw.

Tunsianmunga in a naupa cu phahhlai thawn a vuak hnuah a tlansan. Ahlan khalah an unau hi an rak buai áš­heu, June 24 zanlam ah Hminthanmawia cu zuri in a u tei inn ah ava feh.

Nam a la ih a itthat cih, a thangharh tikah nam thawn kut a thlak ding ti a phang ruangah phahhlai thawn a vuak thu a phuangaw.

Hminthanmawia ih ruang cu Hnahlan PHC ah post-mortem an tuah ih tuisun (June 25) ah an vuiliam. Laithattu Tunsianmung cu Champhai Police Station ah laithat thubuai an orhter ih Champhai District Court ah an hruai.

Be the first to comment

Leave a Reply

Your email address will not be published.


*