Mizoram, Bawngkawn Veng Innkang Ah Innsang Nu A Kang That

March 20, 2022 zarhpi zanlam nazi 4:45 hrawngah Mizoram, Bawngkawn veng ah inn pakhat a kangral, vanduai thlak zetin innsang nu kum 35 mi Pi Lalnuntluangi cu a kang that. Himi inn neitu cu Pi Nazami a si, inndot khat a si ih inn parah inn neitu Pi Nazami aum.

A innhnuai cu a fanu Pi Lalnuntluangi tei nupa in an luah, Pi Lalnuntluangi le a pasal in fa pakhat nauhak zet lai an nei. Innkang laiah inn neitu Pi Nazami hi hmun dangah a leng, Pi Lalnuntluangi tei fa khal an sungkhat inn ah arak leng.

Pi Lalnuntluangi tei nupa lawng an um, kangmei a suak ti an theih veten Pi Lalnuntluangi tei nupa cu an tlansuak man, asinan an suah hnuah Pi Lalnuntluangi cu innsung ah ava lutsal ih a vanduai. Kiangkap um mipi pawl cu an buai zet ruangah Pi Lalnuntluangi hi a kang that ti an theih lohli lo.

Pi Lalnuntluangi cu an hawl ih an hmu lo. Kangmei an mit thei hnuah a ruak cu an hmu. Kangmei cu innhnuai lam ihsin a suak ti an thei, asinan ziangtin kangmei a thok ti cu an theifiang hrih lo ih an zumdan cu meisa current fehsual si an zum.

Be the first to comment

Leave a Reply

Your email address will not be published.


*