Mizoram Inn Cim Ah Minung 3 An Thi Ih Pakhat An Hawl Lai

June 11, 2021 zan nazi 9:30 hrawngah Thuampui Veng Ainawn Section sungih um inndot khat a cim. An inn saklam ih lungrem mi a cim ih an inn cu a cim ngah, inndot parah Pu Lalbiakzuala (75) tei innsang an khuasa.

Innsang member 7 an si ih inncim laiah an pafa kum 19 mi Lalremruata cu inn ah aum lo ih a him, midang 6 cu inncim lakah an um ih mithi le hliamtuar an um.

Innsangpa bik Pu Lalbiakzuala cu hliam a tuar na tuk lo, kum 35 mi Zairimawii khal inncim in a kawng hnuailam a nen ih caan reipi sung an buaipi hnuah hliamhma thawn an dirsuak thei.

Vanduai thlak zetin kum 16 mi Lalthlamuani, Joseph Lalrinhlua (kum 5) le Lalngaihsaka (kum 3) cu inncim ruangah an thi, an ruang khal an la zo.

Kum 16 mi Laltanpuii cu a thuhla theih loin inncim lakah an hawl rero lai. Innhnuai lamah hnamdang (vai) mi an um ih vanáš­hah thlak zetin annih cu an rak tlansuak man ih an him thluh.

Be the first to comment

Leave a Reply

Your email address will not be published.


*