Mizoram, Lunglei Ah Tualthatnak Rapthlak A Thleng

Mizoram, Lunglei, Chanmari-III BCM Biakinn kot ah tualthatnak rapthlak a thleng thu theih a si. Biakinn kot ih um Lawngtlai, Siaha Sumo Counter (Duati Counter) neitu, K. Vanlalduati (52) cu zo ti theih loin September 6 zan nazi 7:00 hrawngah an lutchilh ih nam in an dawt that.

Duati hi mifel le miṭha zet a si ih mipi khalin an ngaina zet, maxicab driver le amah dawrtu pawl khalin biak nuam an ti thei zet mi a si. Lunglei Chanmari veng ih um a si, a counter cu rawng hnih ṭhasal in dawr ah aum khuatlai deuh.

Cutin amah lawng ih aum laitak ah misual in an va lutchilh ih nam in an dawt, room sung umdan pawl zoh tikah misual in sumpai laksak a tum ruangah si an zum. Paisa khal a tla darh nasa tin mithmutu pawlin an rel.

Duati ruak cu Civil hoapital lamah an phur ih thilṭulmi pawl an tuahfel hnuah September 7 sun nazi 12:00 ah an vuiliam ding. Tualthattu hi an kai ngah hrih lo ih an hawl rero lai.

Patea timi in tualthattu i rinhlelmi a tlanliam lai a hmuh thu a rel ih amah khal palik pawlin thu an sut rero lai. BDO Quarter kiangah namte painak vek taikhap le Farm vengah Duate ih zalte le purse pawl an sar. Tualthattu hi theih a si hrih lo ih zingzoi rero lai a si. (#Mizo Special Report)

Be the first to comment

Leave a Reply

Your email address will not be published.


*