Mizoram-Myanmar Ramri Tiva Ah Kawlram Mi 2 Cu Meithal Thawn An Kai

Mizoram, Lawngtlai district sungah Kawlram mi pahnih cu meithal pakhat le cerek mu pawl thawn Lunglei Battalion of Assam Rifles pawlin an kai.

An meithal kengmi ihsin Kawlram ralkap tlansuak an si men thei ti zum a si, zo an si ti cu theih a si hrih lo. September 15 ah Zochachua le Varang khua kiang, Laitlang ih Sekul tiva ah Assam Rifles pawlin an kai.

Assam Rifles in, “Tiva ah lawng an run mawng cu kan rak dingter, an lawng sung kan zohdik ih Myanmar meithal automatic rifle, cerek mu 26 le magazine pawl kan hmu” tin thu an suah.

Assam Rifles pawlin an kaihmi Kawlram mi 2 cu Mizoram police hnenah an hlan. (#NorthEast Now)

Be the first to comment

Leave a Reply

Your email address will not be published.


*