Mizoram-Myanmar Ramri Tiva Ah Minung 2 An Tla That

May 20, 2021 sun nazi 11:30 hrawngah Mizoram-Myanmar ramri tiva ah minung 2 an tla that. Mimbung khuami minung 3 cu Tuisa tiva ah rua-lawng (pum) an to ih an cangsual, nunau 2 le mipa 1 an si.

Nunau pakhat sawn fala kum 28 mi Ngaimuankim cu kiangkap ih um Pu Sonmuana (kum 29) in arak runsuak man. Asinan, fala kum 26 mi Chinmuankim le Pu Chinrohlun (kum 31) cu vanduai thlak zetin an thi.

Nunnak liamtu Chinmuankim le a rualpi an runsuahmi Ngaimuankim cu cengkol khorh dingin le ngate hawl dingin tiva ah an feh. Pu Sonmuana cu leithanel la ih fehsuak a si ih a nupi le a fate 3 a thihsan.

Runsuaktu

An cangsual thuhla an theih veten khuasung mino le pa pawl cu an poksuak hngal, theihtawp suahin an hawl rero hnu sun nazi 1:30 hrawngah fala Chinmuankim ih ruang cu an hmu.

Zanlam nazi 3:00 hrawngah Pu Chinrohlun ih ruang an hmusal ih a zan an mengpi hnu May 21 zinglam nazi 11:00 ah an vuiliam. An cangsualnak hi hlam 3 hrawngih thuk a si ih an cangsualnak san cu theih a si hrih lo. (Mizo Special Report)

Be the first to comment

Leave a Reply

Your email address will not be published.


*