Mizoram, Nghalimlui Khua Ih Thilthleng Hi A Rapthlak Zet

Mizoram, Nghalimlui khua ih um innsang nu Pi Sadin Mela (kum 41) cu January 6, 2022 zing ah an lo ah a va feh ih misual in an rak that.

A lu ah namtong in veihnih an sat, a hmur ah an sat ih a serh kiangkap ah nam ih ahnak hliamhma aum. Himi thil a thleng laiah a pasal le an fapa upabik cu ram ah an riak.

Vaseikai palik pawlin tualthattu cu an zingzoi vivo hnu January 18, 2022 ah an khuami mipa pathum cu an kai ih an tualthat thu khal an phuangaw.

An hmin cu Onil Kumar (23), Drao Kumar (30) le Deba Kala (kum 34) pawl an si ih tualthat thubuai orh in palik kutsung ah an um. Pi Sadin Mela ih ruak an hmuh tikah bawngbi a hruh lo, an pawngsual le pawngsual lo cu an thisen la in zingzoinak an nei rero lai.

Be the first to comment

Leave a Reply

Your email address will not be published.


*