Sesawng Tlangval Ih Thilton Hi A Mak !!

Mizoram, Sesawng khua ih um tlangval kum 30 mi hrawng Lalramngaia cu lungaa in aum rero lai, a au ciamco ṭheu. Tualsung mi ṭhenkhat in zu a rit laiah a taksa sungah khuasia an lut’ an ti, asinan siibawi pawlin rannung in a keu ruangah’ an ti ve thung.

A natnak hi theifiang a hrih lo ih siizung ah an tuamhlawm rero lai. Lalramngaia tei innsang hi an harsa zet, ram ah nga hawlin a riak ṭheu. Tlaikhat cu a rualpa thawn nga repro zuar in an poksuak, a rualpa lawng a tin. An innsang pawlin, “Na rualpa teh?” tin an sut ih ‘ka rak fehsan’ a ti.

An va hawl ih khuasung lamzin kap ah an hmu, zuri catthla ah an ruat lawk. Asinan, a harh thei nawn lo ih a talbuai, a au ciamco ṭheu. Siizung ah an va tlanpi ih siibawi pawlin rannung keunak ruangah a si an ti. Siizung khalah a talbuai ciamco ruangah minung pahnih in an kaibet ringring, zanvar in a au ciamco ṭheu.

A caan len ihkhun par ihsin a tla. A nu hi Manipur ah aum, a nu in khitawk ah thlacam ih mi tidam thei arak pan. Phone fehtlang in thlacamnak a neihsak, thlacam ih mi tidam theitu in,”Minung pathum in an soisa, anmah cu ka hmufiah thei lo. An hmel cu kiosa vek an si” a ti.

Ṭhenkhat in a audan le an talbuaidan cu kiosa thawn a bangaw an ti. Hridai in an tawnbet, siizung ah itthat loin a talbuai ṭheu ruangah kiangkap ih um damlo pawl an hmaisong ruangah le siivai leinak ding sumpai an neih nawn lo ruangah siizung ihsin suak dingin an dil nan siibawi pawlin an siang lo.

Kiangkap ih um damlo ṭhenkhat khalin an siivai leinak ding sumpai an pe, nurse ṭhenkhat khalin sumpai an pe ih an tuamhlawm rero. A natnak hi an theifiang hrih lo nan siibawi pawl cun rannung keunak a si an ti. A dam lohli theinak dingah thlacamnak ih bawm dingin le sumpai thawn bawm theitu cun an khua hruaitu pawl pehtlaih dingin an tarlang.

Be the first to comment

Leave a Reply

Your email address will not be published.


*