Mizoram, Sihhmui Ah Motor In Nauhak A Rial That, Motor Cu A Tlan Hlo

Tuisun January 23, 2022 (zarhpini) sun nazi 1:00 hrawngah Sihhmui khua ih um nauhak kum 6 mi David Lalmalsawma cu motor in a rial that, motor cu a tlanhlo hngal ruangah tualsung palik pawlin an hawl rero lai.

Nauhakte ih pa cu Richard Lalramthara a si ih Sumo driver a si. David le a rualpi 2 cu thirleng te mawng in an innsak lam Rail Station kiang lamah an feh.

An tlunlam ah an dunglam ihsin motor in a pah ngah ih David cu a rial that hnuah motor cu a tlan vivo, an cansual lai hi upa mithmutu an um lo ruangah ziangtin an cansual ti a cipciar in theifiang a si hrih lo.

Nauhakte rial thattu motor cu pick up truck si in an thei. David Lalmalsawma ih ruak cu Sairang PHC ah posmortem an tuah dingih thaisun January 24 ah an vui ding. (#Mizo Special Report)

Be the first to comment

Leave a Reply

Your email address will not be published.


*