Chin Tlangval Nam In An Sat

Mizoram, Thaizawl khua raltlan sakhan ih um Matupi tlangval kum 18 mi hrawng Salai Ramzo cu July 11 sun ah tualsung mi pakhat in nam in a sat. July 11 sun ah ramlak ah rua a hau ih hmuan neitu in lungto in a deng hnuah a dawisuak.

Salai Ramzo in hmuan a si ti ka theih lo ruangah tin ngaihthiam a dil, a rua hau mi khal a tanta ih raltlan sakhan ah a tlung. Sakhan ih um raltlan pakhat in, “Tuizing ah ramlak ah rua ava hau. Mino a si ih tualsung mi pawl ih hmuan ti khal a theithiam lo. Mizo ṭong khal a thiam lo, an umnak ah takkholhnak an tuah tum ih rua ava hau.

Hmuan neitu in arak dawisuak ih neta ah ka hau nawn lo ding a ti hnuah kut lawngin a tlung. Hmuan neitu cu a lungawi lo ih raltlan sakhan ah ava feh ih nam in a sat. A lu ah a sat tum ih a kut in arak kham ruangah a kutzung 4 cu a bul zik te, Lunglei siizung ah an tlanpi lohli. Mino ih pa in ka fapa in a theih lo ruangah si tin ngaihthiam a dil, hmuan neitu in a nu khal a hmai ah a beng” a ti.

Mi tuahmawhtu hi hremnak an pe le pe lo cu an thei hrih lo, Thaizawl raltlan sakhan ah Matupi ramsung buainak ruangah raltlan 600 lenglo an um.

Be the first to comment

Leave a Reply

Your email address will not be published.


*