Mizoram Tiva Ah Pu Lian Cin A Fen, A Ruak An Hawl Rero Lai

Mizoram, Lunglei kiang Thuampui khua ih um Laimi Pu Lian Cin cu August 30, zinglam nazi 9:00 hrawngah a rualpi pawl thawn thing’at mi phur dingin an feh.

Be tiva an tan ih a rualpi pawl cu khatlam ral an kai nan anih cu a suak thei nawn lo. Be tiva ah a fen ti theih a si. Khuasung mipi pawlin ni 2 sung an hawl rero nan an hmu thei lo.

Tuisun September 1 khalah a ruak hawl dingin mipi pawl an poksuak sal ih an hawl rero lai. Pu Lian Cin hi Falam peng Rulbu khuami a si. Unau suahpi paruk an si, a pa cu Pu That Cung a si i Falam ah an um.

June 12, 1993 kum ah Mizoram ah a feh ih tutiang aum lanta, a nupi Nunsangi thawn fanu 1 le fapa 1 an nei tin Falam ih um an sungkhat hnen ihsin theih a si. (#The Chin Post)

Be the first to comment

Leave a Reply

Your email address will not be published.


*