Mizzima Thuthang Latu Cu Hna Harsa Le Kum 3 Sung Thawngtla Dingin A Thu An Ṭhencat

Ralhrang pawlin Mizzima thuthang latu Ma Nyein Nyein Aye cu July 14, 2022 sun ah hna harsa ṭuan dingin le kum 3 sung thawngtla dingin a thu an ṭhencat.

January 15, 2022 ah thuthang la dingin Tamwe khua ah ava feh ih ralhrang pawlin an kai hnuah Insein thawnginn sungah an khum. A thuhla buaipitu lawyer U Khin Maung Myint in, “Ma Nyein Nyein Aye hi media daan le dun diktak vekin thuthang a la. A thuthang lak mi pawl cu ṭuanvo neitu pawlin an tlangthan sak.

Pukmah 505 hmangin thubuai an orhter ih hna harsa ṭuan dingin le kum 3 sung thawngtla dingin a thu an ṭhencat. Thubuai an orhter mi le a hnaṭuan mi hi pehtlaih awknak zianghman aum lo, thudik a langsuah theinak dingin kan cangvai vivo ding” a ti.

Ralhrang pawlin ramsung thuneihnak an lak hnuah thuthang latu/suahtu mi 100 lenglo an kai ih mi 30 cu kai dingin an hawl rero lai.

Be the first to comment

Leave a Reply

Your email address will not be published.


*