Model Hminthang In Myanmar Mipi Pawl Bawm Dingin Korea Mipi Hnenah A Dil

Kum 28 mi Hanna Yuri cu Myanmar model, actress le makeup artist hminthang a si. Myanmar, Taunggyi khua suak a si ih Thailand ramah makeup a zir hnuah a hlawhtling zet.

Tu’ah South Korea ram ah hnaṭuan in aum ih Myanmar mipi pawl hrangah a theitawk in a cangvai rero lai, a facebook cahmai khalah Myanmar ramsung buainak thuhla le mipi pawl ih harsartnak cu a ausuak ringring.

May 19 sunah Korea thuthang picang Kyunghyang Shinmun (경향신문) thuthang zung ah ava feh ih hmaiton thusutnak an nei, Myanmar ramsung buainak cu cipciar zetin a sim ih ‘Ka sim laiah lungkuai in ka ṭap thei’ a ti.

Cun, Chinram, Mindat ramsung ih buainak le mipi pawl ih harsatnak khal a simtel cih. Hanna Yuri in “Ramdang pawl hrangah coffee khuatkhat man cu zianghman a si lo, asinan Myanmar mipi ṭhenkhat hrangah cun nikhat rawlei man a si” tin Myanmar mipi pawl hrang bawmnak a dil.

Kyunghyang Shinmun pawl thawn an biakawknak thuthang cu hmaizarh ah an tlangthan ding.

Be the first to comment

Leave a Reply

Your email address will not be published.


*