Model In, “Ka Mawi Tuk Ruangah Tlangval Pawlin In Ngiar Ngam Lo” A Ti

USA, San Diego khawpi ih um fala kum 27 mi Elizabeth Marie cu model hminthang pakhat a si ih online sung khalah a lar zet. A zuk hi magazines tivek ah an tar ṭheu, a tlangval thawn an ṭhenawk hnuah thla 6 sung cu tlangval nei loin aum zo.

Elizabeth in, “Ka mawi tuk ruangah mipa pawlin in ngiar ngam lo, in ṭih. Ka mawi thuhla cu an rel ṭheu nan ka kiangih um ding ngaingai cu an ṭih, in be ngam lo. Ka sinak le ka ruahnak ngaingai hi thei hai sehla cun in nel zet ding” a ti.

A mawi tuk ruangah tlangval pawlin an ngiar ngam lo ih an fala si dingah cun an huam lo, a mawi tuk ruangah an humhim thei lo dingah an ruat’aw. Amah hi feet 5;10 in a sang, tlangval lawng siloin nunau rualpi khal anei thitha thei lo thu a rel.

Nunau rualpi aneih tikah nunau pawlin an tlangval cu a lonsak ding ti an phang thei tuk ruangah ‘Nunau rualpi khal ka nei ve thei lo, asinan keimah in theifiangtu nunau rualpi ṭha cu ka nei” a ti.

Be the first to comment

Leave a Reply

Your email address will not be published.


*