Model In, “Kan Inn Neitu In Ka Hnaṭuan A Theih Veten Innluah Man A Let Aitam In A Than” A Ti

Fala kum 29 mi Romi Chase cu a inn neitu in a hnaṭuanmi a theih veten a innluah man cu a let aitam in a than. Romi Chase cu Poland rammi a si, 2017 kum ah America ram ah nunhram thok dingin a vai.

A tlawngkainak buaih in hnaṭuannak ṭha a ngah thei lo ih hleiah green card or work permit anei lo ruangah ramdang ah a talbuai. Asinan, a taksa mawinak cu online Instagram ah a pholang ṭheu ih a zum aiin arak hlawk zet.

Cumi hnuah OnlyFans a tuah ih puitling zoh ding video a tuah ṭheu cu a lar deuhdeuh, OnlyFans a tuah pekte ah $1million sumpai a hlawhsuak thei. Tu’ahcun OnlyFans tuahtu lakah mi hlawhhling bik a si zo. A hlawhhling hnuah Miami khawpi ah inn tumpi a sang, ihkhun 4 aum ih a hmun le ram khal a nuam zet.

OnlyFans tuah hi daankalh a si lo ih cozah hnenah sumpai khal an pe ṭheu. Himi inn ah kumkhat lenglo arak um zo, a inn neitu kum 50 mi in online parih a video cu arak zoh ve ṭheu. Cumi hnuah inn neitu cu ava leng ih, “Instagram ah ka lo hmu” a ti. Romi Chase in thildang ah a ruat lo ih ‘Si maw, Ok’ a ti.

Inn neitu cu a tlung sal ih a thaizing ah inn neitu hnen ihsin cakuat a dawng cih, innluah man cu $2,300 ihsin $4,800 ah than a si. ‘Na lungkim ding maw, ni 60 sungah na suak ding’ tin a ngantel. Romi Chase ih ngaihdan a si lo tuk ruangah daanthiam hnenah a sim thei ih lawyer in ‘ti thei mi zianghman kan nei lo, himi cu amai thuthu a si’ arak ti.

Curuangah inn neitu cu a phone ih a suak ding thu a sim thei, cun ziangruangah innluah man na than tin a sut nan simfiangnak zianghman anei thei lo. Inn ihsin a suak hngal ih tu’ahcun Las Vegas aum, tu’ih a innluahnak cu inn neitu khal an ṭha zet ih innkhun 5 le takkolhnak 5, bulpak pool khal aum ih nuam a ti zet.

Romi Chase in a thilton thuhla ah, “Innluah man hi kimten ka pe ringring, Covid-19 thlisia a hrang lai khalah ka pe thotho. Innhnen pawl thawn khal kan remaw zet, ka hringnun cu a nuam tuk lawk nan ka hnaṭuanmi ruangah innluah man cu than ka si. Inn neitu in ka hnaṭuanmi a duhlo a si ding, ka hnaṭuanmi cu cozah daankalh a si lo, a thiang. Tax khal ka pe ringring, innluah man cu 120% rori in a than ruangah inn cu ka suahsan” a ti.

Be the first to comment

Leave a Reply

Your email address will not be published.


*