Model In Lamzinpi Ih Tlan Driver Pawl Cu A Pawhte Arak Hmuh, Mipi In An Soisel Ih “Sualnak Zianghman Ka Tuah Lo” A Ti

England, Thanet khua ih um nunau kum 27 mi Billie cu online sungih milar a si. Online ihsin sumpai a ngah ṭheu ih thlakhat ah £10,000 hrawng a ngah.

Billie hi nuthlawi fakhat nei zo a si, an inn kiang lamzin kap ah ava dingih lamzinpi ih tlan motor driver pawl cu a pawhte arak hmu. Lamzinpi ah thilphur motor tumpi an tlan ṭheu, cak zetin an tlan ṭheu ih Billie in a pawhte in a hmuh ruangah muangten an tlan.

Online mipi pawlin cansualnak tla an tong thei tin an soisel. Hitin a cangvaih ruangah palik pawlin an kai asilen kum 2 sung thawngtlak le cawh a kuan thei, asinan tualsung palik in ‘zohman in thubuai an thehlut lo ruangah zingzoinak kan nei lo’ a ti.

Billie in, “Sualnak zianghman ka tuah lo. Bang zet ih hnaṭuantu lorry drivers pawl ih ni hman nuam dingin ka tuah sawn” a ti. Comment-nak ah mi pakhat in, “Lorry driver pakhat ka si ih ka lo hmu, ka ni hman nuam dingin na tuah ruangah ka lungawi tuk” a ti.

Be the first to comment

Leave a Reply

Your email address will not be published.


*