Model May Panche Khal Covid-19 A Kai Nan Um Men Thei Lo, Itthat Thiam Loin A Nu Damlo A Tuamhlawm

May Panche cu Myanmar lemcan thiam hminthang pakhat a si ih model ṭuanlai khal a si. A taksa ruangrai a ṭhah ruangah mipi in an uar zet, Myanmar ramsung buainak ah mipi lamtang a si ih lamzawhnak khalah a tel ṭheu.

Miharsa pawl hnen khalah bawmnak phunphun a pe, ralkap pawl ih hringhronak khal a tong zo. Thuhla a phunphun ruangah lamzawhnak ah a tel nawn lo nan online par ihsin a cangvai rero lai.

Tu’ah Covid-19 a kai ve nan um men thiam lo, itthat thiam loin a nu damlo cu a tuamhlawm. A nu khal Covid-19 in a damlo ih a bese tuk, oxygen um lo cun a thaw a sam ruangah May Panche cu mangbang vansang in aum.

May Panche in “Covid-19 in ni 6 sung ka dam lo zo, asinan ka nu damlo ka tuamhlawmnak ah ziang ka cang ti khal ka theiaw nawn lo.

Zan ka itthat lo caan khal a tam, minute 1 khal ka nu hi ka thlahthlam thei lo, ka nu hi midang ih tuamhlawm ding cu ka rinsan lo” tin a facebook cahmai ah a tarlang.

Be the first to comment

Leave a Reply

Your email address will not be published.


*