Molce Natnak Nei, A Fala Thawn An Neiaw Zo Ti A Theihhngilh Ih Neiawk A Sawm Sal

Pacang kum 56 mi Peter Marshall in molce natnak Alzheimer timi anei ih thil a theihhngilh cingcing. Tulai tak hi a damlonak a luar zet ti a si, a duhdawtmi a fala Lisa thawn an neiaw zo ti a theihhngilh ih neihawk a sawmsal.

Lisa thawn an neihawknak a rei zo ih fanu khal an nei zo. Peter Marshall in kutsihnak an nei zo ti a theihhngilh, Lisa cu a duhdawt mi a fala a si ti cu a thei lai.

Curuangah neihawk a sawm sal ih a nupi Lisa in a damlonak cu rak theithiam in ‘lungawi aipuang zetin arak ‘Yes’. Cutin, an upat hnuah veihnihnak mopuai an tuah, an fanu khal anmah aiin arak phur sawn ih ziangkim a tawlrel sak thluh.

Lisa in a pasal thuhla cu a facebook cahmai ah a tarlang ih “Molce damlonak, Alzheimer nei pawl cu theihthiam an ṭul tuk. Kan theihthiamnak ihsin an memory a ṭhasal thei. Leitlun ah mivanṭha bik ka si, ka pasal ih hlim hmel ka hmuh lonak a rei tuk zo ih kan neihawk sal ni ahcun a hlim tuk” a ti.

Be the first to comment

Leave a Reply

Your email address will not be published.


*