Molce Nu! Siizung Ah Naute Ava Nei Ih A Nau Cu A Theihhngilh

Vietnam ram ih um innsang nu kum 28 mi Bao in siizung ah fanu duhnung zet anei, nau a neihnak ah a cau tuk lawk ih zianghman a tuah thei lo. Siizung ih an um ringring hnuah a pasal le a innsang pawlin an va hruai.

A ihkhun le a kiangkap hrawng cu an tifai hmaisa ih naute cu ṭhaten an tuam hnuah capuai parah an hlum. Cutin an buai cece ih mi ṭhenkhat in an thilri bungrua pawl an thiarsuak, innsang pabik in a nupi cu a hruai phah ih siizung ihsin an suak.

Motor sung an va thlen tikah cun an naute an theihhngilh ti an theisuak ih siizung sungah an va tlan lohli, sibawi in naute cu arak hmu ih a mangbang tuk. Sibawi in naute a cawi laiah a nulepa cu an va thleng sal.

Sibawi in, “Ziangtin nan naute nan theihhngilh thei, ralring uh. Hmailam caan ah nan theihhngilh asilen thilpoi tla a thleng thei” tin arak kawk. Naute nulepa cu an thiamaw lo tuk ih sibawi hnenah ngaihthiam an dil hnuah an tlung.

Be the first to comment

Leave a Reply

Your email address will not be published.


*