Mon Hnamthuam Thawn Ralkap Pawl An Zukpi Ruangah Soiseltu An Tam, Ralkap In Sumpai Thawn An Sang

June 1, 2021 ah Min Aung Hlaing in Mon ramsung ih lilawn hminthang pakhat cu a hmin a thleng danglam. Lilawn hmin cu General Aung San Bridge ti a si ih Min Aung Hlaing in Thanlwin Bridge tin a thleng danglam.

Lilawn cu Mon khawpi Mawlamyine ramsung, Chaungzon Township ih um a si. June 1 sun ah hlunghlai zetin lilawn onnak puai an tuah ih ralkap pawl le Mon hnamthuam hruh pawl an zukaw.

Mipi in “Mon hmai nan balter, Mon hnamthuam thawn nan va tel cu kan hua tuk, ralkap pawlin Mon mipi in in tanpi ti an langter duh ruangah a si” an ti.

Ralkap pawlin an lilawn ong puai ih tel dingin mipi an rak sawm ciamco ih a teltel cu kyats 20,000 pek an tum. Minung paziat ciah an va tel ti cu theih a si lo nan minung malte lawng an tel ti khuasung mi pawlin an rel, Mon Unity Party (MUP) khal an telve.

Min Aung Hlaing in lilawn hmin a thlennak san cu Mon mipi pawl a lemnak a si, National League for Democracy (NLD) in lilawn hmin arak thleng áš­um ah nasa zetin an rak buai zo. Mon mipi pawlin lilawn hmin thleng an duh lo.

Lilawn hmin an thleng hnu khalah Mon mipi pawlin a hmin thar in an ko duh lo ih Chaungzon Bridge or Yarmanya tin an ko theu (Chaungzon Bridge or Yarmanya ih a san cu Mon ram tinak a si).

Min Aung Hlaing in Mon mipi duhdan vekin a hmin cu a thlengsak sal, cun lilawn hmin ngannak ih a background khal a sen ihsin a hring ah a thleng. Mon mipi pawlin “Lilawn hmin ah kan buai ciamco nawn lo, ralkap pawl kan neh lohli hi a thupi sawn ah kan ruat” an ti.

Be the first to comment

Leave a Reply

Your email address will not be published.


*