Mon Nusalṭha An Kap That

Mon Unity Party (MUP) ih an rinsanmi pakhat kum 32 mi Mi Wai Thi Phyo cu zo ti theih loin June 8 zanah an kap ih a thi. 2020 kum hrilawknak ah arak tel nan nehnak a co lo, a zuamnak Kyainseikgyi Township ah NLD in vote malte in a neh.

Mi Wai Thi Phyo cu mibawmtu pawlkom ah phur zetin a cangvai ṭheu ih an ramsung fimthiamnak ngai poimawh zettu khal a si.

Mon ramsung ih ramkhel hminthang pakhat a si. June 8, 2021 zan ih a motor mawng lai cu zo ti theih loin bike thawn an rak thlun thup. Cutin a kiangnai ten an kap ih a awm, a kut le ke ah hliam a tuar.

Kiangkap um pawlin siizung ah an tlanpi hngal nan a hliamhma tuar loin a zanah a thi. Ralkap in thuneihnak an lak hnuah Mon ramsung ih nunau ramkhel an that hmaisa bik a si. Zo in an that, ziang Party an si ti cu theih a si hrih lo ih zingzoinak an nei rero lai.

Be the first to comment

Leave a Reply

Your email address will not be published.


*