Mon Ram Ih Tlawnginn Pakhat Ah Tlawngta Le Zirhtu 100 Lenglo Hnenah Covid-19 An Hmu Nan Tlawng An Kai Lai Thotho

Mon State, Moulmein University ih tlawngta le zirhtu 100 lenglo hnenah Covid-19 nathrik an hmu nan tlawng an cawl cuang lo. Asawng ih um an si ih tlawngta 80 le zirhtu 20 lenglo in Covid-19 nathrik an kai.

June 18 ah asawng ih um tlawngta fala cu a damlo thok ih an inn ah a tlung, áš­halam a pan thei lo ruangah an va check-up cu Covid-19 anei ti an hmusuak.

June 19 ah aumpi tlawngta pakhat a damlo bet ih a nulepa in an va hruai, an tlunlam ah an check-up phah ih nathrik a kai ti an thei. Cutin, asawng ih um pawl cu an check-up aw vivo ih June 23 ahcun tlawngta le zirhtu 100 lenglo in nathrik an rak kai zo ti an hmusuak.

Asinan, tlawngta pawl an exam lai a si ruangah tlawng cu an cawl cuang lo, tlawnginn lamin June 27 tiangah ralrinnak le damlo an um thuhla khal official in ca an suah hrih lo. Moulmein University ah tlawngta 300 hrawg tlawng an kailai.

Be the first to comment

Leave a Reply

Your email address will not be published.


*