Mon Ramsung Ah Thawngtla 195 An Suahsal, An Suah Mi Pawl Cu Tualthat, Rukru Le Pawngsualtu Pawl An Si

October 1, 2021 simlam ah ralkap in Mon ramsung ih thawngtla 195 zat an suah zalen thu DVB thuthang ah an tarlang. An suah mi thawngtla pawl cu mithat, rukru le pawngsual thubuai orh lai pawl an si.

Mon ramsung Mawlamyine thawnginn, Kyaikmaraw Central Prison, Thaton thawnginn ih thawngtla pawl an si. Ralkap in thawngtla 195 an suah zalennak cu Covid-19 nathrik kilhimnak ah a si an ti. Thawnginn sungah minung an tamtuk ruangah į¹­henkhat an suah zalen.

An suah zalen mi lakah ramkhel ruangih an kaih mi 505 thubuai orh lai pawl an tello. Ralkap in thuneihnak an lak hnu ihsin Mon ramsung ah thawngtla 800 hrawng an suah zalen zo. October 1, 2021 sun thotho ah ralkap pawlin Mandalay, Oo Bo Prison thawnginn sungih thawngtla minung 180 cu an thubuai orh lai mi pawl an phiatsak thluh in an suah zalen.

Mandalay ih an suah zalen mi pawl khal mi tuahmawh thubuai orhtu, mi pawngsual thubuai orhtu pawl an si. Ramkhel ruangih an kaihmi 505 thubuai orh lai pawl cu an suah zalen lo tin DVB thuthang sungah an tarlang.

Be the first to comment

Leave a Reply

Your email address will not be published.


*