Mongpai Ramsung Doawknak Ah PDF (9) An Thi

Shan state, Mongpai ramsung ah ralhrang le tualsung mipi humhimtu pawl cu nasa zetin an kapaw ciamco ih cutawk ah Mongpai-PDF (9) ih nunnak a liam. An doawknak ah ralhrang 50 lenglo an thi ih hliamtuar khal tam zet an um.

Khuasung inn le lo urkangtu ralhrang motor le tank cu PDF pawlin bomb in an rak puah ih an kapaw ciamco. February 16 ihsin nasa zetin an kapaw ih ralhrang tank pakhat le thilri phurtu motor pakhat an siatsuah hnuah cerek mu pawl an laksak thu PDF ṭuanvo neitu in a phuang.

An doawk laiah dung sip dingin thu an suah nan ralhrang motor an siatsuah tumtuknak ah PDF ṭhenkhat cu hmainor in ralhrang pawl hi an kap, cutawk ah PDF (9) ih nunnak a liam ih February 20 ah an vuiliam.

Be the first to comment

Leave a Reply

Your email address will not be published.


*