Monu Hmaiah Khuk Ava Bil Ih Zungbun A Pe Cu Mopa Khal Umngaihnak A Thei Lo

China, Jiangsu province, Xuzhou khawpi ih kutsihnak ah thil danglam zet a thleng ih mipi in mak an ti tuk. October 8, 2021 sun ah mopuai hlunghlai zetin an tuah.

Sungkhat rualpi pawlin laksawng an pe ih cutawk ah mipa pakhat cu monu hmaiah khuk ava bil ih zungbun a pe cu mopuai ih tel mipi pawlin mak an ti tuk. Mopa khal umngaihnak a thei lo ih a hni top.

Monu khal a lai tuk lawk nan polite zetin arak pehtlaih, an video cu online sungah a darh ciamco hngal. Ṭhenkhat in monu a ruksak an ti, thuhla a phunphun aum ruangah zungbun petu Anh Dam in simfiang awknak anei.

Anh Dam cu mopa ih rualpi ṭha zet a si ih an zungbun kengtu a si. Asinan mopuai stage parah a kai dah lo ruangah ziangtin zungbun ava pe ding ti khal a thei lo ih zuknung sungih a zoh ṭheumi vekin zungbun a pek thu pawl a rel. An karlakah buainak zianghman aum lo ih hnihsuaknak le lungawinak lawng aum tin an tarlang. Music kiltu le thuphuangtu pawlin an boruak cu an her danglam sak ih nuam zetin caan an hmang.

Be the first to comment

Leave a Reply

Your email address will not be published.


*