Monui Cangvaihnak Ruangah Mopa Ih Mitthli A Luang

US, Alabama khawpi ah fala le tlangval tuakkhat cu Pathian hmai le mipi hmai ah kutsihnak an nei ih monui cangvaihnak ruangah mopa cu lungno in a mitthli luang.

Fala Kelsey le a tlangval Michael hi 2018 kum ihsin an kopaw zo, Michael ih nulepa Paul le Gina cu hnaset an si ih thawmvang zianghman an theithei lo ruangah kut cangvaihnak ih biak an ṭul ringring. Kelsey in a tlangval ih nulepa cu a theitawk in a kut cangvaihnak thawn a be ṭheu nan duh vekin a thiam thei lo.

An neihawk hlanah hnaset pawl biakawk dan American Sign Language (ASL) cu a thupten arak zir ciamco, kutsihnak an nei ih thutiamkam awknak an nei. Kelsey in thutiamkam awknak ah avun nei cu hnaset pawl ih theithiam dingin a kut cangvaihnak thawn thutiamkam awknak anei cu mopa in thilumdan hi a theithiam hngal ih a lungawi tuk ruangah a mittli a luang.

A nulepa Paul le Gina khal an lungawi tuk ih an mothar cu an lawm rero. Kutsih lai ih a cangvaih ding thuhla cu kut cangvaihdan rak zirhtu a nute, pastor Harvey le video zuktu lawngin an theicia.

Kelsey in, “Michael le a nulepa ṭihzah upat peknak ah kut cangvaihnak thawn thutiamkam awknak ka nei tum. Mopuai ih teltu zaten in ka thutiam kammi pawl hi thei ve hai seh ti ka duh, a thupten zarhkhat sung kut cangvaihdan hi ka zir ih ka hlawhtling. Tuini tiang ka ni le ka rang in kan kutsihnak thuhla cu an rel ringring lai” a ti.

Kelsey in a tlangval Michael a duhdawt tuk ruangah a nulepa khal a duhdawt ih an kutsihnak ih thilthleng ziangkim cu rak theithiam ve hai seh ti a duh ruangah kut cangvaihnak thawn thutiamkam awknak a tuah, tu’ahcun innsang thar nei in nuam zetin hringnun an hmang rero lai.

Be the first to comment

Leave a Reply

Your email address will not be published.


*