Monywa Thawnginn Sungah Chin Nauhak Kum 1 Mi A Thi

Chin state, Tedim Township, Val Bum (ဗာလ်းဗုမ်း) khua ih um Pu Ning Muan Lian le Daw Htwe Nu tei fapa kum 1 mi Mang Tawi Hung cu a damlo bese tuk ruangah 2020 kum thok lamah Mandalay siizungpi ah an fehpi.

Thlakhat sung an tuamhlawm hnuah an tlungsal ih sibawi in piahaw sal dingin an rak sim. Covid-19 thlisia a hrang ruangah bus vaksuak an um lo ih an buai zet. Cutin November 5, 2020 ah Kalaymyo ih um mipa pakhat in Mandalay ah motor lei dingin feh a tum ih a motor ah an to.

Sagaing Division, Pale khua ih Khin Aye Nat Check-Gate ah ritheihsii do pawlkom police pawlin an rak kai. An hmai ih tlan motor sungah ritheihsii an kai ih cumi cu an tomi motor neitu ih ta an ti ruangah an zaten an kai thluh.

Pu Ning Muan Lian ih rualpa in “Sualnak zianghman an nei lo. Motor khal lamzin ih an tonmi a si, an sungkhat khal asilo ih an hmeltheih khal a si fawn lo. Pehtlaih awknak zianghman an nei lo nan rinhlel thu in an kai, curuangah inn lam ih um putar (naute pu) khal a thinhar tuk ih rawlei thei lo, itthat thei lo ih aum hnu January 6, 2021 ah a thi.

An fapa damlo khal thawnginn sungah a thi (March 23, 2021 ah). Tuitiang an thubuai khal an relsak hrih lo, Monywa thawnginn sungah thla 8 sung an um zo.

Ralkap in thawngtla pawl an suah tikah khan an suah ve dingah kan ruat nan vanduai thlak zetin an tel lo. Tuiṭum an suah tikah cun an tel theinak dingah thlaza kan cam. Innsang harsa zet an si ruangah lawyer khal an sang thei lo, bawm theitu lawyer nan um asilen in bawm hram uh. Inn lamah an fanu pakhat aum lai” a ti.

Be the first to comment

Leave a Reply

Your email address will not be published.


*