Mopa A Busy Tuk Ruangah Mopuai Ah A Tel Thei Lo, A Zuk Thawn Kutsihnak An Tuah

Africa, Nigeria tlangval pakhat cu thilṭul neuhneuh tuah ding anei tamtuk ruangah nupi a neih ni khalah a tel thei lo. Nidang ih an tuah ding asikhallen a man cuang lo ding ruangah a fala le a zuk lawng kutsiahnak an tuah.

Ram dangdang ih um an si ih online fehtlang in an duhaw, cutin an biakawk rero hnuah neiaw dingin an reltlang. Asinan, an neihawk ni ah a tel thei lo ding ruangah sumpai le a zuk a kuat ih cutin mopuai an tuah.

Vivian Chizoba timi in a facebook cahmai ah “Facebook fehtlang in an tongaw ih an biakawk rero hnuah neiaw dingin an lungkim. Asinan, mopa ding cu ramdang ah a buai tuk ruangah ara thei lo.

An mopuai hrangah sumpai le a zuk lawng arun kuat, nupi neihnak mopuai khal ih tel thei lo ding khop ih buai cu ziang vekin a busy ding ti ka theicak tuk. Hivek neihawknak hi nan cohlang thei kem maw?” tin a tarlang.

Online mipi ṭhenkhat in bumawknak cikhat a si ding an ti nan sumpai a kuat ruangah a busy ngaingai a si ding. Mopuai cu pakhat le pakhat zumawknak le cohlang awknak men a si titu khal an um.

Be the first to comment

Leave a Reply

Your email address will not be published.


*